تكنوليبريان

مدونة متخصصة في الاوفيس وتحليل البيانات والمعلومات والمهارات الشخصية والتنمية البشرية

آخر المواضيع

‏إظهار الرسائل ذات التسميات تكنوليبريان. إظهار كافة الرسائل
‏إظهار الرسائل ذات التسميات تكنوليبريان. إظهار كافة الرسائل
11:01 ص

وظيفة الجدول المحوري Pivot Table وطريقة انشاءه والتعامل معه

 ساعات كتير بيكون عندنا جداول بيانات تحتوي على كم كبير من البيانات واللي بتكون سبب في عدم فهم البيانات بشكل صحيح او بذل جهد اكبر في محاولة فهم البيانات دي وتلخيصها .



وعشان تلخيصها دي بقا الجماعة بتوع ميكروسوفت عملولنا في الاكسيل حاجة معظمنا يسمع عنها ومنا كتير خبير في التعامل معاها وهي الجداول المحورية Pivot Table  ودي من اسمها كده تحس انها لغرض تلخيص البيانات اللي في الجدول الكبير اللي عندنا ده وما احناش فاهمين منها اي حاجة ولا عارفين نبني تحليل صحيح ليها


طريقة انشاء الجدول المحوري Pivot Table 

بعد فتح ورقة العمل اللي فيها الجدول بتاعنا واللي هو عبارة عن جدول فواتير لطلبيات فروع شركة متخصصة في اجهزة الحاسب الالي وملحقاتها 


نروح على Insert  ومنها نختار الاداة Pivot Table  على يسار شريط الادوات 

هيظهر لينا المربع الحواري Create Pivot Table

عند الخيار Select a table or range  حضرتك هتحدد نطاق الخلايا المكون للجدول انا هنا عامل تسمية للجدول بالاسم اللي ظاهر قدام حضراتكم ده Table4 ، وفي الخيار الثاني بيقولي هو حضرتك عايز الجدول المحوري اللي احنا شغالين فيه ده يظهر فين او يتم انشاءه فين ؟؟ 

- في ورقة عمل جديدة  وده خيار محترم بصراحة 

- ولا في نفس ورقة العمل الموجود فيها جدول البيانات 

انا عن نفس قلتله عايز الجدول المحوري في ورقة عمل جديدة New Worksheet   ثم   OK

 فتم انشاء ورقة عمل جديدة بالشكل التالي


هنلاحظ بقا في ورقة العمل الجديدة دي كام حاجة كده 

اولاً فيه رسم على الشمال انا مش عارف ده بتاع ايه 

ثانيا فيه لوحة على اليمين فيها كام حاجة كده هنلاحظ فيها عناوين رؤوس الاعمدة او محتوى صف العناوين في الجدول الاساسي وهيا دي الحقول اللي احنا هنستخدمها في انشاء الجدول المحوري 

في الاول عايز حضرتك ترسم تخيل لشكل الجدول اللي انت عايزه يلخصلك بيانات الجدول الكبير الرخم ده 

وهنا هنلاقي ناس تخيلت الجدول بالشكل ده 


وناس تانية شافت الجدول بالشكل ده 





















وناس ثالثة اتخيلت الجدول بالشكل ده

وطبعاً زي ما حضراتكم شايفين الاشكال الثلاثة قامت بالواجب وزيادة وكانت كفيلة تلخصلنا البيانات " عرض اجمالي الطلبيات لجميع الفروع وفقا لاسم المنتج مع امكانية تصفية البيانات وفقاً للعام " لكن كل شكل يختلف عن الاخر في طريقة عرض البيانات مش اكتر وده اللي هيحددة حضرتك بمعنى مين في دول انسب لعرض بياناتك وبناءً علية هبدء اسكن الحقول في المنطقة الخاصة بتقسيم الجدول كما بالشكل السابق 
عناوين الاعمدة Columns : وهنا انا سحبت حقل المنتج عشان يظهر كما بالشكل السابق " الاخير " كعناوين للاعمدة المكونة للجدول المحوري
عناوين الصفوف Rows :  وفيها زي ما حضراتكم شايفين اخترنا اسم الفرع 
وتجميع البيانات بناءً على Values :  وفيها حضرتك ختشوف انت عايز تجمع اي بيانات 
ولو فيه فلاتر هتكون Filters  : هنا بقى انا بحدد لو حابب اعمل تصفية للبيانات في الجدول بناءُ على حقل معين زي اني اعرض اجمالي بيانات الطلبيات لجميع الفروع من كل منتج ولكن خلال الربع الثالث من عام 2003 

0
بواسطة ليست هناك تعليقات:
التسميات: , ,
12:37 م

جمع نطاق من الخلايا بناءً على اكتر من شرط Sumifs

الجمع بناءً على اكثر من شرط Sumifs

دالة حسابية ايضاً تجمع نطاق من الخلاياً بناءً على اكثر من شرط وده الفرق بينها وبين Sumif ( انظر شرح الدالة )
وده شكل الدالة ╗

تركيبة الدالة الحسابية sumifs
Sum_range ( نطاق الخلايا المراد جمعه )
Criteria_range1 (مكان تواجد الشرط الاول )
Criteria1 ( الشرط الاول )
Criteria_range2 ( مكان تواجد الشرط التاني)
Criteria2 ( الشرط التاني )
Criteria_range3 
Criteria3 ........................................ etc
يعني ايه الكلام ده ؟
بمعني ان النطاق المراد جمعة واحد لكن بناءً على شرطين او اكثر وكل شرط موجود في نطاق مختلف من الخلايا زي ما احنا شايفين في الشكل التالي
هنجمع المرتبات Sum_rang
لل" مهندس " Criteria 1 ويمكن  البحث عنها في نطاق الخلايا الذي يحتوى على الوظيفة
زوي المرتبات  " > 3500 "  Criteria 2 ويمكن البحث عنها في نطاق الخلايا الذي يحتوي على الراتب

شرح الدالة Sumifs
0
بواسطة ليست هناك تعليقات:
التسميات: , ,
10:42 ص

طريقة عمل جدول محتويات Word


ازاي اعرف اعمل فهرس محتويات لكتاب او بحث باستخدام برنامج معالجة الكلمات او النصوص MS Word
كثير منا يعرف طرق  التعامل مع برنامج معالجة النصوص word  لكن كيفية عمل فهرس محتويات لبحث او كتاب تم كتابته وتنسيقه باستخدام الوورد هو الامر الذي سنتخدث عنه الان ، وفيما يلي شرح بالصور لكيفية انشاء فهرس محتويات  باستخدام Table of contents 

 بص ياسيدي في الاول عشان حضرتك تقدر تعمل فهرس او جدول محتويات لازم تكون واقف على كل عنوان انت عايزة يظهر في الفهرس وتقول للتطبيق اني عايزك تعامل العنوان ده على انه عنوان ،
يعني ايه الكلام ده ما انا عامل عليه التنسيقات اللي تقول انه عنوان ميزته بنوع خط وحجم الخط مختلف عن  باقي النصوص وسميك وتحتية خط كمان !
اقولك كل اللي انت عامله ده كويس جدا وهيظهر النص ده على انه عنوان ليك انت ولما هتطبع لكن التطبيق مش هيتعامل معاه على انه عنوان ولكن هيظل التعامل معاه على انه نص عادي جدا لكن مميز عن باقي نصوص الملف بنوع خط معين وحجم اكبر ليس الا
امال ايه اللي يخلي التطبيق يتعامل مع النص ده على انه عنوان او عنوان فرعي ( مثال الباب الاول - فرعي منه الفصل الاول )
اقولك احنا طول عمرنا بنشوف البتاعة دي اللي اسمها Style ضمن التسيقات لكن قليل لما بنستخدمها اقولك هو ده وقتها


من الاخر احنا لازم نقول للتطبيق ده عنوان Heading 1 او عنوان فرعي Heading 2  عشان يقدر بعد كده لما ادخل اقوله اعمل جدول محتويات او فهرس للعنوان والعنوان الفرعية يقولي حاضر من عنينا وده هيحصل لما حضرتك تروح على كل عنوان وتحدده وتختار من المجموعة Styles  اللي فوق دي اذا كان عنوان رئيسي Heading 1  او عنوان فرعي Heading 2  او فرعي اقل مستوى من السابق Heading 3 .


طب وادخل ازاي اقوله اعمل جدول محتويات او فهرس زي ما انت بتقول

بعد ما حضرتك تنتهي من تنسيق العناوين في الملف ادخل على التاب اللي اسمها References  ومنها على Table of content


وكل اللي هتعمله اما انك تختار من التنسيق الجاهز اللي قدامك ده او انك تدخل على Custom Table of content عشان تحدد ايه من العناوين اللي انت عايزه يطلع في الفهرس وشكل النقط الواصل بين العنوان ورقم الصفحة الموجود فيها العنوان من خلال الخيارين Tab leaden  والاداة  Show levels كما هو ظاهر في الشكل التالي 

وزي ما حضرتك شايف كده انا حددت تنسيق الخط الفاصل بين العنوان ورقم الصفحة الموجود فيها بخط نقطي وفي الاداة الخاصة بتحديد مستويات العناوين المراد فهرستها انا حددت 3 مستويات لان عندي الدرس .......... ده Heading 1  والموضوع تحت الدرس ده Heading 2  يعني المستوى الثاني وفيه عندي كمان موضوعات فرعية من كل موضوع ودي عاملها Heading 3 

وبعد الضغط على OK  هيظهر فهرس محتويات او جدول محتويات ولكن يحتاج الى بعض التنسيقات ليظهر الفهرس كما يلي 


هنلاحظ بقى هنا ان حضرتك بمجرد تمرير مؤشر الماوس على اي نص من النصوص في فهرس المحتويات هيقولك لو عايز تلينك للعنوان ده اضغط كنترول Ctrl ثم اضغط بزر الماوس للانتقال الى مكان العنوان في الملف 

هاااااام جدا : طيب في حالة اني عملت تغيير على الملف مثلا واضفت درس جديد او موضوع جديد تحت درس من الدروس السابقة او حتى اضفت بعض المعلومات لموضوع معين ترتب عليه ترحيل البيانات في الموضوعات التالية من صفحاتها الى صفحات تالية او حتى حذف موضوع ترتب عليه الترحيل للبيانات للاعلى  ؟

هنا بقى مش لازم حضرتك تحذف الجدول او الفهرس وتبدء من جديد في انشاء فهرس جديد ولكن كل المطلوب من حضرتك اما الضغط بزر الماوس الايمن في اي منطقة داخل جدول المحتويات او الفهرس كما يلي 
او باستخدام شريط الادوات References  ثم Update Table  كما بالشكل التالي 

  
ليظهر لنا مربع حواري الغرض منه تحديد ما اذا كان التحديث المراد تطبيقة على الجدول كامل بمعنى تغيير في محتوى الفهرس وبالتالي ترقيم الصفحات زي ما يكون كده بنعمل جدول جديد 

ام ان الغرض من التحديث مجرد تصحيح لارقام الصفحات في الجدول وطبعا اختياري لأحد الامرين هيتوقف على نوع التعديل اللي انا عملته على الملف 
مثال لو كان التعديل على الملف مجرد اضافة نص جديد الى الموضوعات السابقة ترتب عليه ازاحة نصوص وموضوعات وترحيلها الى صفحات اخري ، في الحالة دي انا مش محتاج غير تحديث لارقام الصفحات 
اما لو كان التغيير تم باضافة موضوعات جديدة مثلا او عناوين جديدة او الغاء عناوين ففي هذه الحالة يتم التحديث على الجدول بالكامل 
3
بواسطة هناك 3 تعليقات:
التسميات: , ,
تكنوليبريان
2:05 م

تكنوليبريان

يتسم عصرنا الحالي بالتطور السريع والمستمر ومع تزايد كم المعلومات وتنوعها وتعدد أشكالها واختلاف مصادرها وفى ظل التطور المذهل فى إنتاج وسائل التقنيات الحديثة للاتصالات ونقل المعلومات أصبحت هناك ضرورة لمواكبة كل هذه التغيرات لتقليل الفجوة المعلوماتية بين المجتمعات المتقدمة ومثيلاتها النامية
0
بواسطة ليست هناك تعليقات:
التسميات:
5:33 م

برنامج تحويل الصوت الى نص



كثير منا تعب من كتر الكتابة على لوحة المفاتيح وخاصة اذا كان الغرض كتابة نصوص طويلة للعمل وعشان نسهل على البعض منا عناء الكتابة على لوحة المفاتيح جبنالكم افضل التطبيقات والمواقع التي تقوم بتحويل الصوت المسموع الى نص مكتوب وباكثر من لغة كتابة 
للويندوز  -  للاندرويد  -  للتحويل من خلال الانترنت
0
بواسطة ليست هناك تعليقات:
التسميات: ,
3:31 م

شرح دالة IF الشرطية

تعريف الدالة 

دالة IF  هي دالة شرطية تسئل عن شرط محدد قد يتحقق الشرط وقد لا يتحقق ، في حالة تحقق الشرط يتم تنفيذ اجراء معين (True) وفي حالة عدم تحقق الشرط يتم تنفيذ اجراء آخر (False) 

=IF(Logical Test ; Value if True ; Value if False)

Logical Test = الشرط
Value if True = القيمة في حالة تحقق الشرط
Value if False = القيمة في حالة عدم تحقق الشرط
الفاصل بين كل متغير والاخر تبعاً لإعدادات اللغة على الويندوز

هنلاحظ ان التعريف يصف صيغة الدالة او تركيبها ولو كانت صيغة الدالة حاضرة في ذهنك وعارف معنى كل متغير في المتغيرات المكونة للدالة صدقني هتقدر تعمل بالدالة دي حاجات كتير جدا وتطوعها زي ما انت عايز 

- القيمة في حالة تحقق الشرط والقيمة في حالة عدم تحقق الشرط تأخذ اكثر من شكل فقد تكون 
Numbers - Text - Formula - Function - Nested If
امثلة على الدالة 

1 - الحالة الاولي : القيمة في حالة تحقق / عدم تحقق الشرط  Number
اذا كان لدينا مندوبي مبيعات وارادت ادارة الشركة مكافأة كل مندوب مبيعات تزيد مبيعاته عن 5 الاف جنيه او تساويها بمكافأة قدرها 100 جنيه ومن تقل مبيعاته عن ذلك مكافأة لا تتعدي 25 جنيه فقط 
في المثال السابق قلنا لو كان محتوى الخلية C2  وهي خلية المبيعات اكبر من او يساوي 5 الاف جنيه يتم صرف 100 جنيه في حالة تحقق الشرط او 25 جنيه في حالة عدم تحقق الشرط لتصبح الدالة بالشكل التالي 
=IF(C2>=5000;100;25)

2 - الحالة الثانية : القيمة في حالة تحقق / عدم تحقق الشرط  Text
 في المثال الثاني ارادت الشركة وضع الكلمة يتم تجديد العقد كحافز لمن كانت مبيعاته اكبر من او تساوي الخمسة الاف جنيه ومن تقل مبيعاته عن ذلك يتم وضع الكلمة لا يتم تجديد العقد هنا يتم استخدام الدالة بنفس الشكل السابق ولكن مع تغيير طفيف وهو وضع القيمة في حالة تحقق / عدم تحقق الشرط بين علامتي تنصيص " " 



=IF(C12>=5000;"لا يتم تجديد العقد ";"يتم تجديد العقد")

3 - الحالة الثالثة: القيمة في حالة تحقق / عدم تحقق الشرط  Formula 

في هذه الحالة قامت الشركة بتغيير سياستها في منح مندوبي المبيعات حوافز فبدلا من استخدام رقم ثابت للحافز رأت انه من الافضل ان يتم احتساب الحافز بناءً على نسبة من المبيعات بحيث تكون القيم في حالة تحقق / عدم تحقق الشرط عبارة عن عملية حسابية كما بالمثال التالي :
على نفس الجدول السابق قم باحتساب الحافز بواقع  25% من قيمة المبيعات اذا كانت المبيعات اكثر من او تساوي 5000 واذا لم يتحقق الشرط " مبيعات اقل من 5000 " يتم احتسابه بواقع 5% من المبيعات فقط 
احنا عارفين اننا عشان نحسب الحافز كنسبة من المبيعات هنقول الحافز عبارة عن ضرب المبيعات في النسبة فتطلعلنا النسبة 
الحافز = المبيعات * 25% في حالة تحقق الشرط
الحافز = المبيعات في 5% في حالة عدم تحقق الشرط
اللي احنا عملناه ده بالظبط هو اللي احنا هنعمله مع الدالة يعني هنشيل العملية الحسابية دي زي ما هيا ونحطها مكان القيمة في حالة تحقق الشرط وهكذا بالنسبة للقيمة في حالة عدم تحقق الشرط 
=IF(C22>=5000;C22*25%;C22*5%)

تنويه هاااااااام 
- يمكن اجراء اي عملية حسابية بسيطة او معقدة من اجل الحصول على القيمة في حالة تحقق الشرط او عدم تحققه
- 25% يمكن استبدالها بشكل اخر 0.25 

4 - الحالة الرابعة : القيمة في حالة تحقق / عدم تحقق الشرط  Function 

 الشركة وجدت ان الموضوع جاي عليها بالخسارة وكل مندوبي المبيعات تقريبا بياخدو حوافز فقالت لاء بقا احنا نخلي الحوافز بناء على مبيعات الشهور الثلاثة " ربع سنوي يعني " كما بالشكل التالي :

طبعا في الحالة دي اما اني اعمل عمود للاجمالي وبناء علية احسب نسبة المبيعات كما بالحالة السابقة بدون اي اختلاف او اني اشتغل على الوضع الحالى للجدول كما هو عليه 
طب ازاااي
اقولك حضرتك كنت هتسخدم اي دالة عشان تجيب اجمالي مبيعات الشهور الثلاثة ؟
الاجابة : طبعاً هنستخدم دالة الجمع Sum 
باااااس هو ده اللي انا هعمله بالظبط هاخد دالة الجمع دي زي ما هي كده واحطها مكان القيمة في حالة تحقق الشرط او القيمة في حالة عدم تحقق الشرط 

زي ما حضراتكم شايفين كده انا قلتله لو جمع الثلاث شهور اكبر من او يساوي 15 الف اديني 10% من جمع الثلاث شهور يعني اجمعهم والناتج اضربه في 10% وفي حالة ان المبيعات اقل من ال 15 الف سبلي خانة الحافز فارغة يعني مش هياخد حاجة عشان كده حطينا علامتي التنصيص "" عشان نقول للاكسيل سيبها فاضية 
=IF(SUM(C31:E31)>=15000;SUM(C31:E31)*10%;"")

تنوية هاااام 
في حالة الرغبة في ترك القيمة في حالة تحقق / عدم تحقق الشرط فارغة يتم وضع علامتي تنصيص فقط بينهم مسافة او بدون ""

5 - الحالة الخامسة : Nested IF اف المتداخلة 

في الحالة دي احنا هنتكلم عن Nested IF  او اف المتداخلة  ومن اشهر الامثلة عليها جدول تقديرات الطلبة اللي هو زي ده 👇



حضرتك لو بصيت في الجدول ده هتلاقي درجات الطلاب وتقديراتهم ومنعا لإهدار الوقت والوقوع في الخطاء لاني ممكن بالخطاء اكتب تقدير احمد في الخانة بتاعة محمود والعكس 

المهم اني عشان اخلي الاكسيل يحددلي تقدير الطالب بناءً على الدرجة الحاصل عليها هنستخدم دالة IF  عادي جدا زي ما شرحنا قبل كده لكن احنا عارفين ان دالة IF  بتسئل عن شرط ممكن يتحقق وممكن لاء فلو اتحقق هنفذ اجراء معين ولو لاء هنذ اجراء اخر وفي مثالنا هنقيس تحقق الشرط على الدرجة الحاصل عليها الطالب فلو الطالب جايب درجة اكبرمن او تساوي 85 هنديله تقدير امتياز ولو اقل يبقى جديد جدا وده اللي احنا فاهمينة من الدالة لكن فيه مشكلة هتقابلني هيا ان الدرجات الاقل من ال 85 دي تبدء من 84.99 لحاااااااااااااااااد 0 يعني الطالب اللي هيجيب 30 زي اللي هيجيب 84 زي اللي هيجيب 79 وتعالي نجرب ونشوف 



انا بقول هنا لو الدرجة اللي هيا محتوى الخلية C2 اكبر من او تساوي 85 يبقى اديني امتياز ، طب لو ما اتحققش الشرط يعني ايه القيمة اللي يديهاني في حالة عدم تحقق الشرط هنقول اديني جيد جدا 
الكلام ده مش مظبوط لانه زي ما وضحنا 84 اقل و 30 اقل و 79 اقل وبالتالي كلهم هياخدو نفس النتيجة 



طيب والحل ايه  ؟

هنيجي مكان القيمة في حالة عدم تحقق الشرط Value _if_false  وهندخل IF  تاني عشان نزود التقسيم وهو ده سبب التسمية ب Nested IF  مقصود بيها تعشيش دالة من جوا دالة  بمعني اني كل مره يتحقق الشرط اسئل طب لو ما اتحققش خلاص كده راسب لو كانت اجابتك اه يبقى نحط القيمة في حالة عدم تحقق الشرط راسب وخلاص ولو كانت الاجابة لاء لسه في تقديرات تانيه نزود IF  جديدة ونمشي معاها بنفس المبدء 

=IF(C2>=85;"امتياز";IF(C2>=75;"جيد جدا";IF(C2>=65;"جيد";IF(C2>=50;"راسب";"مقبول"))))

نلاحظ ايه من التركيبة دي ؟

ان كلامي اللي كنت بقوله بالانشا كده طبقتة بالظبط زي ما خرج على لساني باستخدام الدالة ليس الا ، تعالوا نشوف 



بعد الانتهاء من كتابة يتم غلق الاقواس بعدد اقواس الفتح وفي حالة النسيان يقول التطبيق بتنبيه المستخدم من خلال رسالة التنبية التالية 


مجرد الضغط بالموافقة على الرسالة يتم وضع اقواس الغلق الناقصة 

برجاء كتابة الدالة باليد لضمان الاستيعاب الجيد والتعود على كتابة الدوال باليد بصفة عامة ومننساش النصوص بين علامتي تنصيييص


هااااااااام للغاية يمكن استخدام العمليات الحسابية والدوال داخل Nested IF 

مثال للتدريب 

شركات المحمول او شركات الكهرباء بتقسم استهلاك العملاء لشرائح " اتكلم اكتر تدفع اقل "
على سبيل المثال يتم احتساب دقيقة المحمول ب 9 قروش اذا كان الاستهلاك اعلى من او يساوي 200 دقيقة في الشهر و15 قرش للدقيقة لو كان الاستهلاك اكبر من او يساوي 150 دقيقة و 20 قرش لو كان الاستهلاك اكبر من او يساوي 100 و 25  قرش اذا كان الاستهلاك اقل من ذلك



0
بواسطة ليست هناك تعليقات:
التسميات: , ,
4:26 م

شرح الدالة VLookup

سنتحدث اليوم عن احدى اهم واشهر دوال برنامج الاكسيل والمستخدمة في البحث عن البيانات داخل جدول وفيما يلي شرح مبسط لعمل الدالة وكيفية استخدامها على جداول البيانات 



0
بواسطة ليست هناك تعليقات:
التسميات: , ,
12:52 م

حساب العمر باستخدام الدالة Datedif

الكثير منا للاسف يواجه مشكلة كبيرة مع دوال الاكسيل في حال الرغبة في حساب العمر بالعام والشهر واليوم حتى مع استخدام الداله IF لنفس الغرض والتي قد تأخذ بعض الوقت بالاضافة الى عدم دقة المخرجات في بعض الاحيان

اما الآن اقدم لكم الدالة الخاصة بحساب العمر بالعام والشهر واليوم وهي الدالة Datedif وهي دالة خاصة بالتعامل مع التاريخ ولكن لا يعرفها الكثير منا نظراً لانها لا تظهر اثناء عرض الدوال الخاصة بالتعامل مع التاريخ والوقت الا انها مضمنة داخل برنامج الاكسيل ويمكن استخدامها في اي وقت وفيما يلي شرح استخدام الدالة بالصور 

حساب عدد الاعوام 

=Datedif ( Start Date ; End Date ; "y")

 حساب عدد الشهور

=Datedif ( Start Date ; End Date ; "ym")

حساب عدد الايام

=Datedif ( Start Date ; End Date ; "md")

 واستخدام الدالة Text  لعرض يوم الميلاد





0
بواسطة ليست هناك تعليقات:
التسميات: , ,
شرح ادارة المشروعات باستخدام برنامج MS-Project
12:52 م

شرح ادارة المشروعات باستخدام برنامج MS-Project


مرحبا بكم فى عالم الادارة الاليكترونية للمشروعات باستخدام برنامج Project 2007  التابع لمجموعة برامجMicrosoft office 2007  واذا لم تكن قد استخدمت من قبل برنامجا لادارة المشروعات ، فإنك بذلك تدخل عالماً جديداً هذا الأمر الذي يشبه التحول من المكتب القديم الذي لا يوجد به فاكس أو بريد صوتي أو بريد اليكتروني الى مكتب اليوم المليء بالعديد من الاجهزة الاليكترونية ذات التكنولوجيا العالية .
فهل كان يخطر ببال أحدهم أن الميكانيكى، النقاش، المقاول، المبرمج، وغيرها من الفئات التي لا حصر لها لابد وأن يتعاملوا مع الحاسب بصورة تعبر عن فائدته بقدر ما تعبر عن حاجتهم له.... تحميل ....
2
بواسطة هناك تعليقان (2):
التسميات: , ,

عن المدونة

مدونة تكنوليبريان : مدونة حديثة في مجاالات تكنولوجيا المعلومات والحاسب الالي والمكتبات نطمح في النهاية الى ان تنال اعجابكم / احمد وجيه
المزيد →

البحث داخل المدونة

نموذج الاتصال

الاسم

بريد إلكتروني *

رسالة *