التنسيق الشرطي Conditional Formatting

التنسيق الشرطي او الـ Conditional Formatting الاداة التي تستخدم في تنسيق نطاق من الخلايا بناءً على شرط او مجموعة شروط يتم تحديدها من قبل المستخدم ومش بس كده لاء ده كمان بيكون شرطي يعني Variable يعني هيتغير مع تغير المحتوى على عكس التنسيق التقليدي

على سبيل المثال اذا كان لدينا جدول بيانات الموظفين كما بالشكل التالي

وأردنا اظهار مسمى الوظيفة اذا كان المسمى " مهندس " بتنسيق محدد " لون خط احمر وسميك مع تظليل الخلية باللون الرمادي "

ومسمى الوظيفة " طبيب " يتم تنسيقه بحيث يكون لون الخط ازرق قاتم واطارة الخلية باللون الاحمر مع تعبئة بلون سماوي ….. الخ مع باقي المسميات الوظيفية

في هذه الحالة اذا كان الجدول لدينا لا يتعدى 5 تسجيلات او صفوف كما هو واضح من الشكل السابق وبالتالي عدد المسميات الوظيفية لا يتعدى الخمسة فمن السهل والممكن استخدام الطريقة التقليدية في تنسيق الخلايا وفقا لمحتوى كل خلية ولو حبينا نستخدم التنسيق الشرطي وده افضل طبعاُ هنعمل ايييه

حضرتك هتحدد نطاق الخلايا اللي هنعنل علية التنسيق الشرطي ومن التاب Home هنلاقي ناحية اليمين الاداة Conditional Formatting كما بالشكل التالي

بعد تحديد نطاق الخلايا والضغط على الاداة Conditional Formatting هتظهر قائمة بمجموعة من التنسيقات التى يمكن تطبيقها على النطاق المحددة مقسمة فئات وفقا لطبيعة وشكل التنسيق ومحتوى الخلية " نص ، رقم ، تاريخ "

وهي كالتالي :

Highlight Cell Rules

وهي المجموعة الامثر استخداما وهنلاقي فيها اذا كان محتوى الخلية اكبر من او اقل من او بين رقمين او يساوي او نص يحتوي على او تاريخ محدد او القيم المكررة

Top / Bottom Rules

ودي المجموعة اللي هنلاقي فيها تنسيقات جاهزة خاصة باعلى واقل عدد من القيم كأن نقول اعلى 3 مرتبات او اعلى 5 مبيعات وهكذا

Data Bars

هنا هنلاقي مجموعة تنسيقات متعلقة بتدرج لوني وتعبئة للخلايا وفقا للمحتوى وترتيبة بين باقي الخلايا ويمكن تطبيقها على الخلايا التي تحتوي على قيم غير نصية

Color Scales

وفيها هنلاقي مجموعة تنسيقات خاصة بالتدرجات اللونية مثال اللون الاحمر بكل درجات الشفافية Transparency الخاصة به ويتم تطبيقها على القيم غير النصية ايضا

Icon Sets

بها مجموعة من الرموز التى تستخدم للتعبير عن مؤشرات الارقام من حيث الصعود والهبوط

New Rules

هنلاقي هنا طرق انشاء تنسيق شرطي من الالف الى الياء " حاجة مخصصة يعني "

Clear Rules

حذف التنسيقات المطبقة

Manage Rules

هندخل هنا لو عايزين نعدل على تنسيق او نضيف تنسيق او نحذف تنسيق او ننشىء تنسيق ، بمعنى اصح ادارة كل ما يتعلق بالتنسيق

تعالوا بقى نشوف الامثلة العملية على التنسيق الشرطي

بالنسبة لمثالنا الاول اظهار المسميات الوظيفة بتنسيق معين بناءً على محتوى الخلية

زي ما قلنا قبل كده هنروح على اداة التنسيق الشرطي ونختار مجموعة التنسيقات Highlight Cell Rules واللي منها هنختار الشرط او المعيار Equal To كما بالشكل التالي

هتفتح النفاذة اللي فيها بيقول انت عايز الشرط يكون مساوي لايه بالظبط وايه هو التنسيق اللي انت عايزه عليه زي كده 👇

طبعا هنا انا كتبت ان الوظيفة تكون مهندس وبمجرد كتابة الكلمة " مهندس " هنلاقي الاكسيل غير التنسيق على كل الخلايا التي تحتوي على كلمة مهندس في النطاق المحدد وزي ما حضراتكم شايفين هنلاقي اكتر من تنسيق جاهز وفي نهاية القائمة Custom Format لإجراء تنسيقات مخصصة في حالة تحقق الشرط

بنفس الطريقة وعلى نفس نطاق الخلايا هنعمل نفس الخطوات مع كتابة مسمى وظيفي جديد وهو طبيب على سبيل المثال واختيار تنسيق مختلف عن تنسيق المسمى السابق .... الى اخر المسميات الوظيفية او اخر التنسيقات المطلوبة

مثال 2

لو كان المطلوب اظهار المرتبات التي تزيد عن 3 الاف جنيه او تساويها بتنسيق محدد وهو " لون خط ازرق وتعبئة رمادي واطار للخلية بلون احمر "

بنفس الخطوات هنروح نقول اعمل تنسيق على نطاق خلايا المرتبات اذا كان الراتب اكبر من او يساوي 3 الاف جنيه ونحدد التنسيق المطلوب وطبعا كلنا عارفين ان اكبر من او يساوي دي يعني Greater than or equal ولو حضرتك فتحت قائمة التنسيقات الجاهزة اللي قدامكم دي مش هنلاقي اكبر من او يساوي وعشان نوصل ليها قدامنا حاجة من الاتنين اما اننا في نهاية القائمة الفرعية Hight نضغط على الامر More Rules ثم من النافذة New Formatting Rule هنختار الامر Greater Than Or Equal