كود انشاء مجموعة مجلدات بناءً على قائمة بالاسماء داخل شيت اكسيل - Create Folders With Names Based On Excel Range

أحد الزملاء اتصل وهو بيجري " احمد انا عندي مشكلة " 👀

خييييييييير فيه ايه ؟

عندي اسماء الموظفين في شيت اكسيل وكنت عايز اعمل لكل موظف منهم مجلد او فولدر باسمه ضروري والقائمة كبيرة والاسماء كتير و مفيش وقت اعمل مجلد باسم كل واحد بالطريقة التقليدية  فلو فيه طريقة ينفع بيها اعمل المجلدات دي اعتمادا على شيت الاكسيل 

الطريقة للوصول الى حل لهذا السؤال سهلة جدا باستخدام كود VBA داخل شيت الاكسيل وبمجرد الضغط على زر تنفيذ الكود يتم انشاء المجلدات وفقاً لنطاق الخلايا المموجودة به الاسماء 

طب ازاي الكلام ده ؟

بص ياسيدي الكود اهو 👈

Sub MakeFolders()

Dim Rng As Range

Dim maxRows, maxCols, r, c As Integer

Set Rng = Selection

maxRows = Rng.Rows.Count

maxCols = Rng.Columns.Count

For c = 1 To maxCols

r = 1

Do While r <= maxRows

If Len(Dir(ActiveWorkbook.Path & "\" & Rng(r, c), vbDirectory)) = 0 Then

MkDir (ActiveWorkbook.Path & "\" & Rng(r, c))

On Error Resume Next

End If

r = r + 1

Loop

Next c

End Sub

انسخ بقى حضرتك الكود واعمله ادراج في ميديول على شيت الاكسيل اللي فيه الاسماء وادي الطريقة  Developer   أو بالضغط على Alt + F11

ومنها على Visual Basic  عندك هناااك اهي في الشمال 

هتفتح النافذة الخاصة بالفيجوال بيسك منها نختار Insert  ثم Module عشان في الاخر نعمل لصق للكود 

طب وبعدين ؟

حضرتك حدد نطاق الخلايا اللي فيه الاسماء اللي انت عايز تعمل مجلدات ليها واعمل تشغيل للكود هتلاقي عدد مجلدات مساوي لعدد الاسماء اللي حضرتك كنت محددها يعني لو عندك 50 اسم هتلاقي 50 مجلد العربي عربي والانجليزي انجليزي مش هتفرق 

طب هنلاقي المجلدات دي فين ؟

في نفس المكان الموجود فيه ملف الاكسيل اياً كان مكانه