تجميع البيانات باستخدام الاداة Subtotal
كتير من الاحيان بيكون عندي جدول زي الجدول اللى قدام حضراتكم ده
عبارة عن موظفين من مدن مختلفة وفي ادارات مختلفة بالشركة ، وطبيعي انه يكون فيه تكرار لبعض البيانات زي المدينة او القسم التابع ليه الموظف داخل الشركه ومطلوب مني على سبيل المثال معرفة عدد الموظفين بكل ادارة او مدينة بالاضافة الى اجمالي مرتبات العاملين بهذه الادارات او المدن
بمعنى اصح عايزين نعرف مرتبات الناس في ادارة او مدينة ما
- فيه ناس هتستخدم الدالة SUMIF وناس تانيه هتستهدم الاداة Filter وناس تانيين خالص غير الاولانيين هيستخدموا الاداة Subtotal
- مين الاداة Subtotal دي
تعالوا نشوف
الاول حضرتك حدد انت عايز تجمع البيانات وفقا لاية " المدينة ولا القسم ولا العمر ولا الاسم " جميع حقول الجدول متاح التعامل معاها من خلال الاداة لكن المنطق بيقول في جدول زي ده هيكون التجميع بناءً على حاجة من اتنين اما المدينة او القسم وبالتالي لاااااازم وشرط اساسي قبل ما استخدم الاداة اعمل ترتيب للبيانات مش هيفرق تصاعدي او تنازلي المهم انه يبقى فيه ترتيب وبعدها هستخدم الاداة بمنتهى السهولة
في حالتنا هنا انا عايز اجمالي مرتبات العاملين وفقاً للقسم
ولاننا هنشتغل على القسم فلازم نروح نعمل ترتيب لليبانات في الجدول بناءً على القسم وبعدين نطلع على التاب Data ومنها على مجموعة الاوامر Outline ثم Subtotal لتظهر النافذة Subtotal ومنها
نختار العنوان الخاص بالقسم في الجزء الخاص مع كل
تغيير في At each change in:
ثم استخدم الحقل المراد تجميعة من الجزء Add Subtotal to
ثم اختيار الدالة المراد تطبيقها من اجل عملية الجمع وهي
الدالة sum
ok
الخيار Replace Current Subtotal عشان نشيل الشغل التجميع القديم
الخيار Page break between groups وده عشان يعمل فاصل صفحة بين كل مجموعة والتالية لها وده طبعاً هيفرق معانا في طباعة الجدول
الخيار Summery below data وده خيار مهم من خلالة هيزيد صف اجمالي عام لقيم لاقسام في نهاية الجدول " المجموع الكلي "
ملاحظة هامة :-
هنلاحظ في جهة اليسار من الجدول فيه 3 ارقام واسفل كل قسم او تجميعة هنلاقي في علامة -
الارقام دي بتمثل مستويات التجميع في الجدول يعني مثلا لو حضرتك ضغط على الرقم 1 هتلاقي الجدول اصبح بعرض فقط اخر صف في الجدول " Grand Count "
ليست هناك تعليقات:
إرسال تعليق