الدالة Concatenate دالة نصية تستخدم في دمج السلاسل النصية في سلسلة نصية واحده زي ما بنشوف كده في التطبيقات والفورمز اللي بيكون فيها الاسم الاول ، الاسم الثاني ، الاسم الاخير وبعد ما حضرتك تكتب كل اسم منهم على حده تلاقي الخلية بتاعة الاسم كامل جمعت الثلاثة مع بعض
مثال
في الجدول اللي ظاهر قدام حضراتكم ده انا عايز كل مرة هكتب فيها الاسم الاول والثاني والثالث يقوم التطبيق بجمعهم في خلية واحدة بحيث يظهر الاسم ثلاثي
الحل بسيط جدا اما باستخدام رمز ربط وتجميع السلاسل النصية اللي هو ده &
او باستخدام الدالة النصية Concatenate
الطريقة الاولى باستخدام الرمز &
من ابسط ما يكون مجرد ان حضرتك تقول = وتشاور على الخلايا الثلاثة وتفصل بينهم بعلامة &
تمام زي ما احنا عاملين في الجدول اللي قدام حضراتكم ده لكن هتقابلنا مشكلة بسيطة وهي اني هجمع البيانات في الخلايا الثلاثة بدون اي فواصل او مسافات بينهم وبالتالي الاحرف الاخيرة في كل اسم هتلزق في الاحرف الاولى من الاسم التالي ليه زاااي كده
طب والحل ؟
طبعاً اننا نسكن بين كل اسم خلية والثانية مسافة وبما ننا بنتعامل مع سلاسل نصيبة يبقى لازم المسافة دي تكون بين علامتي تنصيص " "
فيه ناس هتفكر في حل تاني وهو اني اسيب مسافة بعد كتابة كل اسم وقبل الانتقال للاسم التالي وده حل لكن مُربك جدا
الطريقة الثانية باستخدام الدالة Concatenate
=CONCATENATE( TEXT1 ; TEXT 2 ; TEXT 3 ; ;;;;;;;;;)
هتواجهنا نفس المشكلة مع استخدام & وهي اني لازم اعمل حساب المسافات بين محتوى الخلايا الثلاثة كما بالشكل التالي
ليست هناك تعليقات:
إرسال تعليق