استخدام اداة الاستهداف Goal Seek

 تعد اداة الاستهداف Goal Seek  من اهم وابسط ادوات تحليل البيانات في الاكسيل What if Analysis

الاداة Goal Seek  ما هي ؟ 

 عشان نتعرف على اداة الاستهداف Goal Seek  بشكل سهل وبسيط هنفترض ان احنا عندنا جدول زي ده 

عبارة عن المبيعات لفروع الشركة الثلاثة  الفيوم - القاهرة - الاسكندرية 

- اجمالي المبيعات للفروع الثلاثة كما هو واضح في الخلية " B5 "  هو 776.785.71 

- نسبة الخصم او التخفيض على المبيعات في الخلية " D2 "  وقيمة التخفيض عبارة عن حاصل ضرب اجمالي المبيعات * نسبة الخصم او التخفيض " B6 "

= 69910.71 جنيه

- صافي المبيعات بعد الخصم " B7 " عبارة عن ناتج طرح قيمة الخصم " B6 "  من اجمالي المبيعات " B5 "  اللي هو 706875.00 جنيه 

والشركة بتاعتنا بتستهدف تحقيق صافي مبيعات بعد الخصم لا يقل عن 750000.00 الف جنيه بالتغيير في نسبة الخصم او التخفيض 

بمعنى اني هغير في صافي المبيعات على حساب نسبة الخصم ، وبالوضع ده اللي انا عايز اعمله اني اسئل الاكسيل هو انا لو عايز صافي مبيعاتي مبلغ وقدره 750 الف جنيه مفترض اعمل خصم في حدود كام عشان احقق الهدف ده ؟؟

وبالفعل هنجاوب على السؤال ده  بنفس سيناريو الاداه   انت عايز محتوى الخلية Set Cell  كااام To Value بالتغيير في اي خلية  By Changing Cell

- هنروح على شريط الادوات Data  ثم مجموعة الادوات What - if Analysis  ثم Goal Seek 

Set Cell  دي الخلية اللي انا عايز اغير قيمتها وفي مثالي انا كنت واقف على الخلية الخاصة بصافي المبيعات 

To Value  هنا حضرتك هتحدد الرقم المستهدف او الرقم اللي الشركة عايزة توصل ليه وزي ما قلنا احنا عايزين  750 الف جنيه 

By Changing Cell   طيب حضرتك عايز توصل ل صافي مبيعات 750 الف جنيه بالتغيير في مين ؟ .. عندنا في نسبة الخصم 

ثم OK بعدها هتظهر رسالة بالتغيير المقترح " اقبل او لاء " 

هنلاحظ ان صافي المبيعات 750 الف جنيه يمكن تحقيقة مع نسبة خصم لا تزيد عن 3 % بدلاً من  9 % 

ملحوظة هامة : في الخلفية الاداة هتقوم بعدد من التحليلات والعمليات الحسابية عشان توصل للناتج اللي انا عايزه وده هيفرق معايا في وقت ظهور النتيجة لأنه في مثالنا الجدول بسيط لكن في جداول اخري قد يستغرق الامر ثواني او حتى دقائق بحسب العمليات الحسابية المستخدمة على الخلية المراد تغيير قيمتها او المستهدفة