شرح الدوال الشرطية OR و AND

الدوال الشرطية OR  و AND و IF

كنا اتكلمنا عن الدالة الشرطية IF وقولنا في تعريف الدالة انها دالة شرطية تسئل عن شرط محدد قد يتحقق الشرط وقد لا يتحقق ففي حالة تحقق الشرط يتم تنفيذ اجراء امر معين وفي حالة عدم تحقق الشرط يتم تنفيذ اجراء اخر 

هنلاحظ من تعريفنا لدالة IF انها بتسئل عن شرط واحد فقط وده طبعاً مش هيكون مناسب في حالة اني بتكلم في اكتر من شرط وفي الحالة دي انا محتاج اني استخدم دالة اخري من اجل تعدد الشروط داخل الدالة IF والدالة الاخرى دي هتكون اما OR  او AND

تعريف الدالة OR

دالة شرطية تسئل عن عدد من الشروط وفي حالة تحقق اياااااااااااااااااااً من الشروط يتم تنفيذ اجراء محدد TRUE " انا بقول الشرط ده او ده او ده " اما في حالة عدم  تحقق الشروط مجتمعة او جميع الشروط يتم تنفيذ اجراء اخر FALSE

ناتج الدالة في حالة استخدامها استخدام مباشر عبارة عن القيمة TRUE  في حالة تحقق اياً من الشروط و FALSE في حالة عدم تحقق جميع الشروط

زي ما حضراتكم شايفين تركيبة الدالة OR  عبارة عن شرط 1 ، شرط 2 ، شرط 3 ، شرط 4 ،،،،،،،،،،،،،،، الخ حتى 255 شرط ولا يوجد متغير لوضع القيمة المطلوبة في حالة تحقق شروط الدالة او عدم تحقق شروطها

مثال 

تعلن احدى الشركات عن حاجتها لشغل وظيفة محاسب بشرط سنوات خبرة لا تقل عن 5 سنوات ويمكن التغاضي عن سنوات الخبرة في حالة  الحصول على تقدير امتياز 

الراجل قال في الاعلان " يمكن التغاضي عن "  يعني اي شرط منهم يتحقق خير وبركة يبقى اكيد هنستخدم OR  😃

في الحالة دي انا لو استخدمت الدالة OR  الناتج بتاعي هيكون حاجة من اتنين اما كلمة TRUE  او كلمة FALSE  كما يلي 

بعد كتابة الدالة والضغط على زر الادخال ENTER  ثم السحب والتطبيق على باقي خلايا الجدول هنلاقي ان رقم 2 محمد على ابراهيم الوحيد الذي لم يتم قبوله للعمل بالشركة لان سنوات خبرته اقل من 5 سنوات وتقديره في الجامعة اقل من امتياز وبالتالي لا حق الشرط الاول ولا التاني " لا ده ولا ده ولا ده زي ما كنا بنقول في تعريف الدالة "

تعريف الدالة AND

دالة شرطية تسئل عن عدد من الشروط في حالة تحقق جميييييييييع الشرروط يتم تنفيذ اجراء محدد TRUE  وفي حالة عدم تحقق اياااً من الشروط يتم تنفيذ اجراء اخر FALSE 

يعني ايه الكلام ده ؟ 

يعني لازم جميع الشروط تتحقق عشان نقول تحققت الدالة " ده و ده و ده " اما في حالة عدم تحقق اي شرط من الشروط فلن تتحقق الدالة 

تركيبة الدالة هي نفسها تركيبة الدالة OR  شرط ثم التالي ثم الثالي وهكذا حتى 255 شرط 

نفس المثال السابق مع تغيير بسيط في الصياغة 

تعلن الشركة عن حاجتها لشغل وظيفة اخصائي تكنولوجيا معلومات بشرط سنوات خبرة لا تقل عن 5 سنوات وتقدير امتياز بالمرحلة الجامعية الاولي  " يعني عايز ده و ده " 

هنا هنستخدم الدالة AND  " ده و ده و ده و ده ،،،،،،،،،،255 

هنلاحظ طبعا ان اسم واحد بس وهو الاسم الاول اللي تم قبوله لانه تواجد به الشرطان اما باقي الاسماء لم يتم قبولها لان كل واحد منهم اتحقق فيه شرط واحد بس وهنا الفرق بين OR و AND  

استخدام الدالة OR  و AND مع الدالة IF 

زي ما شفنا في الامثلة السابقة ان ناتج الدالتين عبارة عن كلمة TRUE او FALSE ومش متاح لينا من خلال الدالتين اني اغير النص ده او اضع مكانه رقم ولنفرض حافز سواء رقم ثابت او نسبة من الراتب مثلا وعشان اعمل اللي بنقول عليه ده لازم استخدم الدالة IF  مع دالتي OR  او AND طبعاً وفقا للمطلوب 

شكل الدالة 

=IF(OR(Logical1;Logical2;Logical3;;;;;;);Value if True ; Value if False )

تم وضع الدالة OR او AND  مكان الشرط وفي الجزء الخاص بالقيمة في حالة تحقق الشرط Value if True  والقيمة في حالة عدم تحقق الشرط Value if False  يتم التعامل مع الدالة IF بنفس الطريقة السابق شرحها في شرح الدالة IF

مثال 1 

في الجدول السابق يتم وضع كلمة مقبول للعمل وغير مقبول بدلا من TRUE  و FALSE 

ثم الضغط على زر الادخال ENTER والسحب على باقي الحلايا ليصبح الناتج كما بالشكل التالي 

مثال 2

يتم احتساب الحافز بناءً على الحالة الاجتماعية والراتب

الحافز 10% من الراتب لو كانت الحالة الاجتماعية متزوج والراتب اقل من او يساوي 5000 

الحافز 5% من الراتب في حالة عدم تحقق الشروط 

بالعربي هقول لو الحالة الاجتماعية متزوج والراتب اقل من او يساوي 5 الاف اديني 10 % من الراتب ولو اي شرط من دول وقع اديني 5% من الراتب  ومن كلامة كده واضح هنستخدم مين OR  ولا AND

طبق واسحب على باقي الخلايا 

النصوووووووووووص بين علامات تنصيص 

اكتب ب ايدك تفهم اكتر