كتير من الاوامر والخيارات في الاكسيل مش هنقول احنا مش على علم بيها ، ولكن هنقول احنا مبناخدش بالنا منها او ما اضطريناش نتطرق اليها لعدم الحاجة رغم انها من الحاجات المهمة جدا في التطبيق اللي احنا بنتكلم عنه Excel
في الاول هنروح على التاب Data ومنها هنلاقي الاداة Text To Columns ضمن ال Gategory اللي اسمها Data Tools في Data Ribbon
الأداة Text To Columns
الاداة دي من الادوات المهمة جداً واللي نتيجة عدم المعرفة او الالتفات لها كتير مننا بيضطر يلف حوالين نفسة عشان يعمل الوظيفة اللي هيا بتقوم بيها بمجرد ثلاث او اربع ضغطات من زر الماوس
طب ايه اللي بتقوم بيه الاداة ؟
زي ما هو واضح من اسم الاداة وفي ابسط الاشكال بتقوم بتحويل النص الى اعمده ؟؟
يعني ايه الكلام ده ؟!
اقول لحضرتك وفقاً لمثال لو فرضنا ان انا عندي بيانات موضفين بالشركة ومن ضمن البيانات دي اسماء الموظفين وحبيت افصل الاسم الاول عن باقي الاسم الكامل للموظف مع تطبيق الاجراء نفسة على جميع الموظفين هل من الطبيعي اني اعدي على كل خلية بها اسم موظف واعمل قص للجزء من الاسم اللي انا عايزة انقله لعمود جديد كالاسم الثاني والثالث مثلا !
لو كانت الحكاية على اسمين او تلاته كان هيكون عادي لكن لو كان عندي عدد كبير من الاسماء الموضوع هيبقى صعب وهنا ييجي دور الادارة Text To Columns
 |
| هنا انا عايز افصل الاسم الاول عن الاسم الثاني عن الثالث مع ترك الاسم الاول في نفس الخلية كما هو واضح من تصميم الجدول |
من النافذة اللي هتظهر هنا انا مش هعمل حاجة غير اني اقول Next
هنا بنحدد تنسيق نوع البيانات في الخلية الاولي والوضع الافتراضي General ، وفي الاخر Finish عشان تظهر لنا الرساله التالية والمقصود منها ان الاكسيل بيقولك انت مغيرتش وجهة البيانات وده معناه اني هسيب الاسم الاول في اول عمود في الجدول واللي هو فيه البيانات اساسا وده هيضطؤني الغي البيانات اللي موجودة
 |
| ومنها هحدد ايه الفاصل اللي انا هستخدمة كمؤشر للتطبيق يفصل عنده النص وينقلة لعمود اخر وطبعاً في الحالة بتاعتنا هتكون المسافة الفاصلة بين الاسم والاخر |
باقي خيارات الاداة Text To Columns في موضوع اخر بشكل اكثر تفصيلاً لعدم الاطالة
ليست هناك تعليقات:
إرسال تعليق