مبادىء تقبل الاخر

عايزين نتفق على ان فكرة كون الشخص معندهوش طاقة مش معناها انه اتغير علينا او كبر علينا باللغة العامية او تحول من شخص جيد الى شخص اخر تماماً سىء

لما تلاقي شخص كان لطيف وظريف وصبور ومتحمل وفجأة اتغير وبقى عصبي وبينسحب بسرعة من النقاشات والجدالات او حتى من العلاقة اللي تربطة بيك او بيكي ... متسئلش هو ليه اتغير ولا تسئله انت ليه اتغيرت ... لانه ببساطة موصلش للمرحلة دي غير بعد ما استنفذ كل طاقتة في المحالية والصبر ومحاولة الحفاظ على علاقته معاك وخلاص تعب وزي ما بنقول بالبلدي صبره نفذ

فقبل ما تقول لشخص انت اتغيرت او تسئله انت اتغيرت ليه بص الاول على الظروف اللي حواليه واللي خلته يتغير ، بص هو كام مرة كان فيها لطيف وجدع وصبور وصاحب صاحبه ومهذب معاك ومع غيرك

واخيراُ -- بلاش تاخد بالك بس من انه اتغير ، وياريت تيجي على نفسك وتشوف ايه سبب التغيير